Cuaj Lub Qhov Ncauj (9 Lub Mouths)

Luag tej laus yeej ib txwm ntuas rau cov ntxhais hais tias, yog thaum mus ua lub neej lawm, niam pog txiv yawg lawv tsev neeg coj li cas yus yuav tau coj li ntawv. Yog luag tub sab yuav tau nrog luag tub sab, yog luag tub nkeeg yuav tau nrog luag tub nkeeg, yog luag nquag yuav tau nrog luag nquag, thiab yog luag cuaj khaum yuav tau nrog luag cuaj khaum. Yog ib leeg ntxhais ua tau li no ma thiaj li yog ib tug nyab zoo. Peb ua neeg nyob hauv lub ntiaj teb no tab txawm leej twg los yeej xav tau tus nyab zoo, tus ntxhais los yeej xav tau niam pog txiv yawg zoo thiab. Peb daim yeeb yaj kiab no yuav nthuav txog txoj kev ua nyab thiab tib neeg lub qhov ncauj, nej sawv daws mam li saib mus seb niam pog thiab nyab yuav zoo li cas. Daim yeeb yaj kiab no lom zem, txaus luag, thiab zoo saib heev li.